Connect with us

General

Our Rules in 2015

    بسم الله الرحمن الرحيم   مع بداية العام الجديد لدى بعض النقاط والملحوظات اود ان اعرضها عليكم – هذة النقاط ما هى الا بعض المواقف والاسئلة والمشاكل وسوء الفهم وغيرها من المواضيع التى اريد ان اوضحها للجميع مع بداية العام الجديد لكى لا نقع فيها مثل الاعوام السابقهكل النقاط التى سوف اعرضها لكم […]

Published

on

 

 

بسم الله الرحمن الرحيم

 

مع بداية العام الجديد لدى بعض النقاط والملحوظات اود ان اعرضها عليكم – هذة النقاط ما هى الا بعض المواقف والاسئلة والمشاكل وسوء الفهم وغيرها من المواضيع التى اريد ان اوضحها للجميع مع بداية العام الجديد لكى لا نقع فيها مثل الاعوام السابقهكل النقاط التى سوف اعرضها لكم هى مواقف شخصية حدثت معى ومع بعض الاخوة او مواقف شاهدتها بنفسى لذلك اعتبرها نصائح شخصية وليست قوانين او قواعد يمكن الاخذ بها او لا . وارجوا اخذ وتفهم هذة النقاط بصدر رحب ولا نقصد بها احد

  1. مشاريع التخرج والماجستير والدكتوراة فى مجال ال Cloud Computing – منذ عدة سنوات اصبحت موضه ان تكون مشاريع التخرج او الدراسات العليا عن هذا الموضوع – وهذا شئ جميل فى حد ذاته ونشجع علية – لكن الغير جميل هو ان الشخص الذى يريد ان يقوم بعمل مشروع عن هذا المجال لا يعرف اى شئ عنة من قريب او من بعيد وانما سمع من صديق لة على الكافتيريا ان الموضوع دة جامد موت – فهو خدتة الحماسة وقال لية لا ويبحث على الانترنت طبعا كتير ومش فاهم الدنيا ولا عندة فكرة عن اى شئ وتجدة بيكلمك وبيكلم غيرك الكثير وعاوز يفهم هذا العالم كلة خلال شهر او اتنين وينفذ المشروع ويقدمة – بقدرة قادر مش سحر – وانا المفروض عليا انى ارد علية واعلمة كل التفاصيل والكورسات واكون معاة من اول كل شئ وطبعا هو اصلا ولا عندة اجهزة ولا غيرة ولا انترنت بس مش مشكلة دية كلها حاجات تافهة امامة – وفى حالة انى عندى شغلى وكورسات واسرتى ويستحيل انى اقدر اعملك شئ فى موقفك هذا لانك عاوز شهور وان لم يكن سنين – وعندما اخبرة بعدم وجدود وقت وانة يبحث عن موضوع اخر اسهل – هنا يقوم باتهامى انى لا اساعد احد وانى هتحاسب على علمى وانى مقصر غير الشتيمة وغيرها – طبعا دة مش بيتكرر مع واحد فقط وانما العشرات من امثالة من داخل مصر ومن خارجهالذلك كنت اعلنت من فترة طويلة انى لا اساعد فى مشاريع التخرج او غيرها – لانى لا استطيع ان افيد احد فيها – لان لو اليوم فية 200 ساعة وليس 24 لن يكفى لكى ارد عليهم واساعدهم
  2. السؤال الدائم والذى اريد ان اثبتة فى اول الموقع واعملة اعلان وهو – انا جديد فى مجال ال IT وعاوز ادخل فى مجال ال VT – طبعا الموضوع دة اتهرس واتجاوب علية مائة مرة قبل كدة – وعملت علية موضوع كبير واتنشر فى كذا موقع واتعمل فى شكل ملف PDF علشان يبق مرجع للكل لاى واحد بيفكر يدخل فى هذا المجال – لذلك نصيحتى ليك الوحيدة الان هو انت تبحث عن هذا الموضوع- اسم الموضوع طريقك الى عالم التكنولوجيا التخيلية – هذا ليس استكبار او شئ وانما انا مجرب ولو قلت لك ان الموضوع اللى فيه الاجابة عن سؤالك فى اول صفحة فى الموقع واول موضوع فى الصفحة هترد عليا ب ابعتى لينك لية – تحس انة عندة شلل فى كل حواسة ومكسل يفكر
  3. الاخوة اللى بيسالوا مرارا وتكرارا على دخول الامتحانات الخاصة ب VMware وقولتها مليون مرة ومعروفة انك لازم تحضر الكورس فى مكان معتمد علشان تمتحن وفية ناس عارفة هذا الموضوع وبتسال عن ان عندى طريقة تدخلهم من غير الكورس وانا بحلف لهم – هذة شروط الشركة وليست شروطى وانا لا اعمل فيها وليس لى دخل فيها وليس هناك طرق اخرى – ولما اقولك هذا الكلام مش معناه انى بكرهك او مش عاوز اساعدك ومخبى عندى شوية امتحانات ومش راضى ادهملك او شئ – ولا استحق الشتيمة والسب لانى مش عندى طريقة احتيالية على شروط الشركة – على فكرة الشتيمة دية حصلت بالفعل من كذا مهندس محترم –
  4. بعض الاخوة بيبقى واخدهم الحماس وسمعوا عن هذا المجال فداخلين بطيش وتلاقى بيكلمك ويقولك عاوز ابقى خبير فى هذا التكنولوجيا – طبعا انا اتمنى تبقى اسطورة وصاحب شركة VMware مش بس خبير – بس مش بقتحة الصدر يا صاحبى وانما خدها واحدة واحدة ومش لازم تذاكر كل الكورسات بتاع كل الشركات فى نفس الوقت وتلم كل الماتيرال اللى فى الدنيا وتخزنها عندك ومش لازم تاخد كل الشهادات المتشابهة لبعض علشان تبقى جامد – نصيحتى ليك خد الموضوع واحدة واحدة وانت هتلاقى الدنيا بتوضح ليك وبتفهم الدنيا ماشية ازاى واية احتياجاتك بالظبط واية المفيد واية اللى ملوش لازمة
  5. الناس اللى بتبعت لى اسئلة واستفسارات عن حاجات فى سيسكو ومايكروسوفت ولينكس – واللى بيبعت عاوز رابط لنسخة ويندوز وكورس لتعليم الويندوز 8 بروابط مباشرة وصاروخية – ببقى مش عارف اقولهم اية ارد عليهم باية صراحة – يعنى انت ضفتنى ومش شوفت البروفيل بتاعى ولا شوفت انا بتكلم عن اية او اية تخصصى وبتبعت زى ,,,,,, وخلاص – ربنا يرحمنا برحمتة
  6. الاخوة المحترمين اللى بيبعتوا اسئلة خاصة بمجالنا فية نقطة لازم تبقى واضحة ليهم – مش شرط انك لما تبعت سؤالك انى ارد علية خلال ثوانى والا اكون عليه اللعنة ومقصر ومتكبر وكل شئ وحش فى الدنيا – انا عندى اولويات كتير وشغل كتير اللى باكل منة عيش وبأكل بية اسرتى – ومفيش عقد بينا بيلزمنى من الاساس انى ارد عليك – فلازم تفهم كدة وانا لما اكون عندى وقت ان شاء الله هرد عليك
  7. قبل ما تطلب كورسات وفيديوهات ومقالات وطلبات لا تنتهى حد فى دماغك ان الشخص اللى بتطلب منة دة بيعمل الحاجات دية بجانب عملة وبجانب مسئوليات كتير مطلوبة منة واسرتة – فلو فية وقت فاضى فى حياتة هيحاول يعمل لانة مش شرط طلباتك تتنفذ وقت ما تطلبها
  8. الموقع من هوست وتصميم وادارة ومقالاتة وسفر وحضور مؤتمرات وغيرها انا اقوم بتغطية تكاليفها وعملها – فلو ليك اى ملحوظه فية لا تذكرها كنصائح وتمشى – تفضل وساعد وقم بعملها لكن مفيش اسهل من الكلام والنصائح ووقت الجد تجد كل اللى اتكلم اختفى
  9. انا لا اقدم خدمات روابط لبرامج او كراكات او دمبات للامتحانات او شئ غير قانونى فى الموقع او صفحتنا على الفيس بوك – ومرفوض نشرها من اى شخص
  10. اخر شئ وهو امنية من فترة طويلة ان اجد متطوعين للعمل والمساهمة بمجهودهم فى نشر العمل سواء فى صورة مقالات او فيديوهات – لكن للاسف الكل الا ما ندر – لا يعرف الا الطلب والاخد ولا يعرف عن شئ اسمة العطاء مع انة لدية الوقت والعلم الوفير وليس بشخص مبتدا او شئ لكن عندما تطلب منة ان يقوم بعمل مقاله او محاضرة او غيرها تجدة يتهرب ويقول انه مشغول – على فكرة الموضوع دة مر علية اكتر من سنة وهم مازالوا مشغولين – ربنا يعينهم يمكن هما فاكرينها شطارة او شئ

 

طبعا بعد ما قراءات هذة النقاط التى احببت ان اعرضها لكم مع بداية العام لكى تكون الامور اضحة للجميع ولا نقع فى نفس اخطاء الماضى ونكررها لان لا يوجد وقت لهذا

انا عارف ان البعض هيضايق من كلامى او الاسلوب او هيحس انى بقصدة من كلامى – لكن انا بكرر مرة اخر ان هذة هى تجارب حدثت لكى خلال الاعوام الماضية ولا احب انها تتكرر مرة اخرى فى المستقبل

وهذا ليس تكبر منى او تهرب من مسئولية او عدم المساعدة وانما هو توضيح للامور ويجب ان تضع نفسك فى مكان الشخص الاخر قبل ما تحكم علية لاننا لسنا ملائكة ولسنا مثاليين

وانا لى اسلوب وطريق واضح بمشى علية من الاول انى اقدم كل خدمات الموقع بالمجان من مقالات وكورسات ومحاضرات وغيرها ولا اطلب من احد شئ وبركز انى اعمل اشياء تهم الغالبية وتخدمهم – وهذا ليس للشهرة ولا لكلمات الشكر المنتظرة منك وانما من اجل سبب اخر لن يفهمة الا القلة القليلة وهو انة زكاة عن علم بسيط الله اعطاة لى وانا ازكى عنة فقط .

 

وبالتوفيق للجميع

 

 

Continue Reading
4 Comments

4 Comments

Leave a Reply

إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *