Connect with us

VMworld

VMware VMworld 2014 : Meeting with Expert

Meeting with the Experts   وفقنى الله ان اقابل العديد من الخبراء فى مجالنا خلال الموتمر . وقابلت البعض بتخطيط وباتفاق مسبق ومرتب وقابلت البعض الاخر بالصدفة وبدون ترتيب كما تعرفون ان اكتر من 20 الف شخص يحضر هذا الموتمر ويحضرة اغلب الخبراء فى مجال ال VT فى العالم لذلك هو انسب مكان ووقت لكى […]

Published

on

Meeting with the Experts

 

وفقنى الله ان اقابل العديد من الخبراء فى مجالنا خلال الموتمر . وقابلت البعض بتخطيط وباتفاق مسبق ومرتب وقابلت البعض الاخر بالصدفة وبدون ترتيب

كما تعرفون ان اكتر من 20 الف شخص يحضر هذا الموتمر ويحضرة اغلب الخبراء فى مجال ال VT فى العالم

لذلك هو انسب مكان ووقت لكى تقابل فية اهم الشخصيات العاملة فى هذا المجال

 

بداية المقابلات التى كنت اخطط لها انى اقابل ( مصطفى خليل – Join Archied – David Davies – Corey Romero- Elias Khansier – وغيرهم )

 

وبدات اول مقابلة قبل ميعادها عندما وصلت امريكا واتصلت بمهندس مصطفى خليل قبل الموتمر بيوم ووجدتة انة موجود فى احدى مبانى شركة EMC فى سان فرانسيسكو وقريبة من الفندق الذى كنت اقيم فية

ومعة Join Archied وهما بيعطوا هناك VCDX Boot Camp للمهندسين اللى عاوزين يبقوا VCDX

ملحوظة: ال VCDX عبارة عن اعلى شهادة تكنيكال عند VMware والحاصلين عليها فى العالم حتى الان 130 فقط

وكما نعرف ان اول اتنين فى العالم خدوها هما Join Archied هو رقم واحد ومصطفى خليل هو رقم 2 على مستوى العالم

فطبعا كانت فرصة لن تتكرر ان اذهب لهم واحضر هذا الحدث الذى مستحيل ان يتكرر خارج هذا المكان وبالذات اللى هيعلمك هما اول اتنين واخدين هذة الشهادة وهما على فكرة مسئولين عن هذة الشهادة فى VMware

فذهبت اليهم لكى القاهم فى المقام الاول وكمان اشوف ال VCDX Boot camp

 

هذة المرة الثانية التى اقابل فيها الاتنين لانى قابلتهم العام الماضى فى برشلونة – ففية سابق معرفة جيدة بينا

المهم قابلت الاتنين قبل البدء فى ال Boot Camp واتكلمنا فى بعض الاشياء الخاصة بمصر وغيرها وواتفقنا اننا هنتقابل فى الموتمر لانى كنت جايب لهم هدية من مصر

طبعا المقابلة كان فيها احداث كتير لكنها لن تهمكم لان اغليها اشياء خاصة

وعلى فكرة انا قابلت الاتنين مرتين اخريين فى اماكن مختلفة فى الموتمر وهما الاهم وهحكيلكم اية اللى حصل فيهم لان فيهم اشياء تهمكم

بعد ما اتفقنا اننا هنتقابل فى الموتمر لكن بدون تحديد مكان معين لكى اعطيهم بعض الهدايا من مصر الخاصة بهم

 

مقابلة مع Join Archied

قابلت Join Archied ثانى مرة بالصدفة فى مدخل مبنى ال Metrion واحنا رايحين نحضر حفلة ال VMunderGround التى دعانى ليها Daivd Daivs لما قابلتة فى شركة pluralsight

قابلتة فى مدخل المبنى واتكلمنا شوية واعتذرت لية انى مش معايا الهدية لانى مش اعرف انك هتحضر الحفلة واتفقنا اننا نتقابل فى اليوم التالى فى مكان معين وهو ال Certifications and Exam Center اللى فى الموتمر

والمكان دة كان اكتشاف بالنسبة لى وهو مش بس مكان للامتحانات كما كنت اعتقد وهيكون فية مقال عن زيارتى لهذا المكان لان شوفت فية حاجات مهمة

بعد الاتفاق طلعنا مع بعض للمكان الخاص بالحفلة وطبعا هيكون فية مقاله مخصصة للحفلات اللى حضرتها فى الموتمر لان كان فية 5 حفلات اخرى حضرتها غير اللى مش قدرت احضرها بسبب ضيق الوقت

فى اليوم التالى وفى المكان المتفق علية ذهبت الى هناك ومعى الهدية وقابلتة هناك واعطيتة الهدية وكانت عبارة عن اهرامات الجيزة الثلاثة

ودعانى انى اقعد شوية معاه وبداء حوارنا الطويل الغير مخطط لة والذى اكتشفت فية حاجات اول مرة اعرفها عنة

بدائنا نتكلم عن مصر والسياسة وبعدها اتكم شوية عن نفسة واسرتة وحياتة

وحكى لى قصة حياتة وان والدة اندونيسى مسلم وامه مسيحية وهو مسلم فعليا وان كان لا يعرف الكثير عن الاسلام ومهندس مصطفى بيساعدة فى هذا الموضوع

وحكى لى ان اسرتة سافرت العراق للعمل وبعدها اللى البحرين ودخل جامعة البحرين وبعدها جامعة نيويورك واستقر فى امريكا من وقتها

وانة بيعرف بعض الكلمات العربى والحروف العربى وحاول انة يكتب اسمة بالعربى امامى ليثبت لى ذلك هو كتبة لكن الحروف كانت منفصلة عن بعض مثل كتابة اللانجليزى وكتبتة له صح

واسمة على فكرة هو Join Yani Archied وهو ال Join Yani هو اسم مركب عبارة عن اسم اجنبى واسم مسلم وهو يحيى وهو حكى لى ان الاب والام اتفقوا ان كل طفل هيكون لية اسم مركب عبارة عن اسم اجنبى واسم عربى

وكلمة Archied هو تحوير لاسم الرشيد

طبعا كانت مفاجاة لي ويمكن لكل الناس اللى بتقراء هذا الكلام يكتشوفون ان هذا الرجل هو مسلم وهو لة مركز مرموق فى VMware وايضا فى مجال ال Cloud بصفة عامة

بعدها اخبرنى انة هيترك شركة VMware هذا الشهر اغسطس وسوف ينتقل للعمل فى شركة EMC بداية من شهر ستمبر مع احتفاظة بالعمل فى ال VCDX Program

هذا ما اتذكرة حاليا من هذة المقابلة الطويلة معة

واتقابلنا بالصدفة معه للمرة الرابعة فى حفلة ال VCDX and vExpert التى اقامتها VMware فى مطعم اسيوى قريب من ال Union Squire وقابلت فى هذة الحفلة كل العظماء – وسوف نرجع لها فى مقال منفصل – المهم اكتشفت ان Join من هواة العزف على الجيتار واصر انة يعزف فى الحفلة مع الفرقة الموجودة فى المطعم – فى اغلب صورة على تويتر هتجدة متصور وهو معاه جيتار

 

مقابلتى مع مصطفى خليل

طبعا فية تواصل دائما معه على مدار العام وكان فية ميعاد مسبق اننا نتقابل وبالفعل تقابلنا خلال الموتمر وقبلة وبعدة عدة مرات وهو يعتبر أخ كبير لى قبل ما يكون استاذا لى وخبير فى هذا المجال

المرة الاول اتقابلنا فى مبنى EMC فى ال VDCX Boot Camp كما اخبرتكم

المرة الثانية كانت بالصدفة فى احدى مبانى الموتمر واتفقنا فيها على اننا سوف نذهب لزيارة ال Silicon Valley and VMware HQ فى بالو التو وطبعا انا كتبت عنها مقالة سابقه عن هذة الزيارة فى الموقع

المرة الثالث ونحن فى زيارة مقر شركة VMware in Silicon Valley

خلال هذة المرات اتكلمنا عن اشياء كثيرة منها الجانب الشخصى عنة وعن اسرتة وحياتة فى امريكا وهو يعيش فيها من اكتر من 30 سنة وهذا لن نتكلم عنة لانة لن يهم الكثير وايضا هذة اشياء شخصية عنة

ولكن ما سوف اخبركم به هو ما له علاقة ب VMware

فخلال الزيارة لمقرها وشرحة لي لتاريخها ومبانيها تكمنا عن اسلوب العمل الداخل فى الشركة والمديرين التنفيذيين فيها وعن تطبيقاتها الجديدة التى اعلنوا عنها خلال الموتمر

واعطانى نبذة سريعة عن منتجات الشركة الجديدة التى اعلنوا عنها فى الموتمر وما هى فكرت عملها وسوف نخبركم بها عند التحدث عن هذة التطبيقات الجديدة

وتكلمنا عن محاضرات ال VMUG Egypt الجديدة التى نخطط لها للاصدار الجديد vSphere 6 لكن بسبب ان الاصدار غير نهائى سوف تؤجل المحاضرات الخاصة به حتى يكون اصدار نهائى

 

مقابلتى مع David Davies

تعتبر هذة المقابلة الثانية لى مع بعض مقابلة العام الماضى فى برشلونة

ووقت رتبت لها من قبل الموتمر بارسال ايميل له للقائنا فى الموتمر ورحب بذلك وقابلتة فى مكان العرض المخصص لشركة pluralsight فى داخل الموتمر وهو حاليا يعمل فى هذة الشركة كمؤلف لكورسات بعد ما قامت بشراء شركة Train signal التى كان يعمل فيها

تكلمت معه عن خططة للكورسات التى يقوم باعدادها كورسات خاصة بها فى مجالنا واخبرنى انة يخطط لعمل كورس عن ال vCAC and VMware Horizon View

واعطيتة الهدية الخاصة بة ودعانى لكى نتقابل فى حفلة فى نفس اليوم واعطانى دعوة لها

 

مقابلتى مع Cory Romiro

يمكن الكل اول مرة يسمع هذا الاسم لانى غير معروف فى مجالنا ولانه هو يعمل موظف فى VMware وهو المسئول عن ال Blogger and Social Media and vExpert Program

وهو من الناس التى ساعدتنى فى الحصول على دعوة السفر لحضور الموتمر

لذلك اتفقت معه من قبل الموتمر على مقابلتة واعطائة هدية بسيطة من مصر و اتفقنا اننا نتقابل فى مكان خاص بال Blogger Bar والصحفيين

وقابلتة هنك وتكلمنا فى بعض المواضيع وشكرتة على الدعوة واعطيتة هدية وبالصدفة ووجدت مساعدتة موجودة واعطيتها ايضا هدية

وتقابلنا مرة اخرى فى حفلة ال vExpert التى قام هو بتنظيمها

 

مقابلتى مع Eric Sloof

يمكن البعض يعرفة – هو من اشهر ال Blogger المتخصصين فى مجال ال VT وايضا هو مؤسس ال VMworld TV وهو يقوم بتصوير احداث الموتمر وعمل مقابلات فيها

وانا من متابعية من عدة سنوات ومتابع لمدونتة www.ntpro.nl واتفقت انى اقابلة وهو ليس له مكان معين فى الموتمر لانة لا يعمل فى VMware لكنك يمكنك ان تراة فى كل مكان لانة يقوم بتغطية الموتمر فى كل احداثة

وكانت مقابلتى معه فى حفلة ال vExpert بصفتة انة حاصل على ال vExpert وايضا لتغطية الحفلة

لم تكن مقابلة طويلة بسبب الصوت العالى والازدحام فى الحفلة واعطيتة هدية بسيطة والتقطنا صور مع بعض وعرفتة بموقعى

 

مقابلتى مع فريق عمل ال VMUG

قابلت فريق العمل لل VMUG على مستوى العالم فى مكانهم فى الموتمر وكان لى معرفة سابقة باغلب الفريق لكن من خلال الايميلات فقط

وعندما ذهب الى هناك وجدت ان اغلبهم يعرفنى جيدا وسالونى عن مصر والمحاضرات التى حصلت فيها خلال الفترة السابقة واعطونى T-Shirt الخاص ب VMUG Leader وايضا دعوة لحفلة ال VMUG Leader فى فندق الميريديان المقابل لمكان الموتمر

 

كنت اخطط لمقابلة Elis Khneisr

وهو مهندس لبنانى الاصل وله كورسات كتثير فى مجال ال VT لكنة اخبرنى قبل الموتمر بايام قليلة انة لن يستطيع حضورة

 

طبعا كان فية بعض اللقاءات الاخرى التى حصلت بالمصادفة مع بعض الاشخاص لكن اعتقد انها لن تكون مهمة لكم

وايضا هناك مقابلات مع بعض المديرين والعاملين فى بعض الشركات العارضة فى الموتمر وسوف يكون هناك مقالة ان شاء الله تتحدث عن هذة الشركات

 

هذة بعض المقابلات التى قمت بها خلال الموتمر واسف ان كنت نسيت بعض التفاصيل التى حدثت فى المقابلات بسبب انى لا ادونها فى وقتها وانما اعتمد على الذاكرة فاسف ان نسيت او لم اذكر شئ – ان شاء الله لو تذكرت شئ ذو اهمية سوف اضيفة فى المقالة –

وحاولت ان اعرض لكم الاحداث التى تهمكم فقط بدون الدخول فى لقاءات شخصية او حوارات شخصية

ملحوظة: لمساهدة الصور التى تم التقاطها فى هذة القاءات يمكن مشاهداتها على حسابنا فى الفيس بنك الخاص بالموقع بسبب عدم المقدرة على رفع الصور داخل المقالة

 

وبالتوفيق للجميع

Continue Reading
3 Comments

3 Comments

Leave a Reply

إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *