Connect with us

General

VMware Home Lab ( Used Server )

Published

on

 

كثيرا ما اتلقى اتصالات واسئلة تدور حول ان اللى بيدرس كورسات VMware عاوز يقوم بتطبيع ما تعلمه بشكل عملى وبالتالى يحتاج الى اجهزة وسيرفرات حقيقية للتطبيق عليها بشكل عملى

طبعا الكلام دة ينطبق سواء شخص بيتعلم لوحدة او بيدرس فى اى مركز تعليميى معتمد لان التطبيق فى الاب لن يكفى لانه محدود وبمدة صغيرة

وانت تحتاج اضعاف عدد الساعات النظرى تحتاج ان تطبيقها عملى فى الواقع وكما نعرف كلنا ان المعلومة لن يتم تاكيدها وتثبيتها الا اذا قمت بعملها بشكل عملى وليس كمعلومة نظرية ممكن تنساها

lab3

هنا امامنا طريقتنا فى بناء اللاب وهما طريقتنا معروفتان ولو بحثت على الانترنت عن كلمة Home Lab for VMware  هتجد مقالات باللغة الانجليزية كثيرة تتحدث عن الطريقتان بالتفصيل

1-      التطبيق على اجهزة Physical  بمعنى اوضح انك هتشترى سيرفرين او ثلاثة وهتقوم بعمل Install for VMware ESXi and vCenter  على هذة السيرفرات مباشرتا

2-      التطبيق على اجهزة Virtual  بمعنى انك هيكون عندك سيرفر واحد مثلا حقيقى وتقوم بعمل على ويندوز وثم برنامج VMware WorkStation  وداخل هذا البرنامج هتقوم بعملInstall VMware ESXi and vCenter

lab1

فى الحالتين لن تحتاج ال SAN حقيقة وانما يمكن عمل SAN or NAS  بواسطة اى برامج وهمية لعمل ذلك مثل FreeNAS , Openfiler , Starwind وغيرها وتكمنا عن عمل ذلك فى كورسنا على الموقع بالتفصيل والفيديو

هنا السؤال ايهما احسن للتطبيق بالطبع الافضل العمل بالاسلوب الاول واستخدام سيرفرات Physical  لانة هيكون اسرع واسهل ومشاكل اقل لكن بالطبع هيكون تكاليف اكثر لانك هتشترى بين 2 الى 3 سيرفر لتطبيق كل شئ فى الكورس

الاسلوب الثانى هو الارخص لانك لن تحتاج الا لسيرفر واحد فقط برامات كبيرة بعض الشئ لكن عيوبة انة هيكون بطئ ومشاكلة اكثر فى التطبيق

بالنسبة للرامات والبروسيسور التى تحتاجها تحتاج فى كل جهاز فى الحالة الاولى 8 جيجا رام على الاقل والثانى هتحتاج 16 جيجا رام على الاقل

وبالطبع فى جميع الاحوال يجب ان يكون البروسيسور بيدعم خاصة ال VT

وال HD المهم يكون فية مساحة كافية وليس المهم نوع الهارد

حتى الان الكلام طبيعى وعادى وموجود فى العديد من المقالات على الانترنت لكن هناك اختلاف فى البيئة المحيطة كالمقدرة الشرائية والاجهزة والموديلات المتوفرة فى السوق

بمعنى انة فى الخارج هناك موديلات كثيرة مناسبة لعمل لاب فى المنزل لكنها غير متوفرة لدينا مثل اجهزة ال HP Micro Server

والنقطة الثانية وهى الاهم هى المقدرة المادية على شراء اجهزة او سيرفرات للتطبيق – وهذة مشكلة للغالبية لدينا بدون خجل –

لان اغلب اللى بيبدا يتعملم بيكونوا بدون دخل او بيعمل بمرتب بسيط لا يستطيع من خلالة شراء اجهزة

هذا فى الحقيقة هو هدف مقالى الاساسى :

اولا: حتى لو دخلك قليل حاول توفرجزء منة للشراء لان دة هيعود عليك بفائدة كبيرة جدا ويمكن يغير الوظيفة ومكانتك تماما وبالتالى مرتبك هيرتفع جدا ( انا بعتبرها استثمار فى النفس ) وهذا عن تجربة شخصية

    ما تخليش حد يقولك لما تشتغل ابقى طبق – فى الحقيقة هو مين اللى هيشتغلك اساسا وانت مش عارف اى شئ عملى ومفيش حد هيشغلك بالشكل دة وندخل فى الحلقة المفرغة من هل العمل الاول ولا الكورسات والتطبيق الاول  او بتصورى البيضة ولا الفرخة جاءوا اولا

طبعا الناس دية بتبقى فى هذا الصراع طوال عمرهم والنتيجة فى الاخر اللى بيتوصلوا ليها ومفيش غيرها هلى الفشل ( طبعا الاختيار لك والنتيجه معروفة وطريق الفشل سهل )

لذلك حاول توفر من دخلك ولو القليل بدل الرحلات والقهاوى والموبيلات اللى لازم تكون اخر حاجة اشترى جهاز احسن واستثمر فى نفسك علشان تبقى فى الاخر انسان محترم

ثانيا : المشكلة الثانية دائما انا الان معايا اموال اشترى موديل اية ومنين

لن نتكلم عن اسماء شركات معينة وانما انا هقولك على الفكرة وهى انك لا تشترى اى جهاز جديد او مستعمل من الاجهزة اللى بيتم تجميعها تماماااااااااااا وهنا باكد جدا مهما كانت امكانياتها والهاردوير العالى فية لان اغلب هذة الاجهزة بتكون فية مشاكل فى دعم ال ESXi مثل كروت النتيورك على سبيل المثال فكدة بقى الجهاز ملوش اى لازمة

طيب والحل نشترى اية  – نصيحتى تشترى اجهزة مستعملة او كما يقولون استعمال خارج وهى اما سيرفرات مستعملة او اجهزة يطلق عليها Workstation  وهى اقل من السيرفرات لكن اعلى من الاجهزة العادية لدينا لكن ما يميزها ان البرسيسور والرامات فيها بتكون خاصين بسيرفرات وفيها RAID  وبتدعم بشكل جيد ال ESXi

بالطبع هنا الكل هيسال عن ان اسعار هذة السيرفرات المستعملة هتكون سعرها غالى

لكن المفاجاه ان الاسعار الخاصة بها ارخص من الاجهزة التى سوف تقوم بتجميعها بنفس الامكانيات مع الفارق الكبير طبعا للسيرفر كتبريد وباور ونوع بروسيسور

لذلك عند التفكير فى شراء اجهزة ليس امامك الا انك تشترى اجهزة سيرفرات مستعمل او Workstation  مستعملة وفية فرق بين ال Workstation وبين ال Personal PC

لان النوع الاول يمتاز بهارد وير عالى قريب من السيرفرات

على سبيل المثال اجهز مثل ال HP Z400 and Z800 – Dell 690 , 5400 , 7400 , 710  وغيرها طبعا الكثير والكثير وهذة الموديلات امثله وليست على سبيل الحصر لاننا ليس هدف المقال تسويق لاحد الموديلات

فمثلا عن تجربة شخصية جهازين من  ال DELL 690  فية اتنين بروسيسور زيون ورامات 8 جيجا سعره بين 1500 الى 2000 جنية يعنى ارخص من جهاز هتجمعة مع الفارق طبعا فى نوع البروسيسور . وقمت بعمل لاب فى المنزل لدى

lab

بالنسبة لاماكن الشراء انا هتكلم عن مصر فقط لان دة اللى اعرفة لكن اظن ان الاجهزة المستعملة من الخارج موجودة فى اغلب الدول العربية

فى مصر يمكن ان شركات تبيع هذا السيرفرات المستعملة فى مولات الكمبيوتر فى الغالب مثل مول البستان ومول سوق العصر وغيرها

طبعا نحن لا نهدف للتسويق لاى شركة او منتج كسياستنا فى الموقع من البداية

لكن للتسهيل للمهتمين بالشراء اكتشفت ان احد اعضاء الموقع يعمل فى احدى هذة الشركات فى مول البستان والشركة التى يعمل بها تقوم ببيع هذه النوع من السيرفرات

وكمساعدة منة للباحثين عن هذة الاجهزة تعهد انة سوف يقوم بالرد على استفسارات تصلة عن طريق الموبيل لاى شخص يسال عن الانواع او الاسعار وسوف يساعدة فى الاختيار الافضل له والمناسبة لميزانيتة

وكموقف نبيل تعرفت على مدير الشركة وبالمحادئة معه اتفقنا انة سوف يقوم بعمل خصم خاص لكل شخص سوف ياتى عن طريق موقعنا او اى شخص يشترى هذة الاجهزة بهدف التعلم

اليكم ارقام تليفونات المهندس المسئول ومدير الشركة لاى استفسارات يتم طرحها مباشرتا عليهم والرجاء عدم كتابة اى تعليقات تتعلق بالانواع او استفسارات بالاسعار لانى لست تاجر ولست ببيع خدمات

تليفون الشركة للاستفسارات : 01062522265

هذة الشركة توجد فى مول البستان

بالنسبة للموجودين فى الدلتا او طنطا تحديدا يوجد شركة تقدم نفس الخدمات تقريبا وايضا مديرها عضو معنا ومرحب جدا للمساعدة

م: محمد عبد العزيز : 0111010056

ويكفى ذكر انكم توصلتوا لهم من خلال موقعنا او من خلالى لتقديم خدمة افضل لكم

فى النهاية هذة بعض الشركات التى اعرفها واصحابها مستعدين لعمل مساعدة لطلاب العلم ومن يعرف اى شركة اخرى يمكن اضافتها فى التعليق

وفى النهاية الموقع غير مسئول عن اى تعاملات مالية بين الاعضاء ولا نقوم بعمل اعلانات تجارية لاحد – لان هذا ضد سياسات الموقع

وبالتوفيق للجميع

Continue Reading
7 تعليقات

7 Comments

  1. ayman fathy

    28 أبريل، 2014 at 3:40 م

    شكرا يا بشمهندس الموضوع دا مهم جدا و جهه فى وقتو

  2. mzar720

    28 أبريل، 2014 at 4:17 م

    الف شكر يا بشمهندس موضوع ممتاز

  3. blackjaguar1986

    29 أبريل، 2014 at 2:45 ص

    جزاك الله كل خير يابشمهندس

  4. Eng Niveen

    1 مايو، 2014 at 3:23 م

    جزاك الله خيرا كثيرا يا باشمهندس

  5. ahmed

    18 يونيو، 2014 at 7:12 م

    جزاكم الله خيرا

  6. kareem

    19 سبتمبر، 2015 at 3:03 م

    ما هي اقل مواصفات ل HP Micro Server علشان اشتغل عليها لابات ال vsphere ؟

  7. kareem

    19 سبتمبر، 2015 at 9:14 م

    هل ينفع هذا السيرفر لعمل اللابات ؟ علماَ بأن سعره 1500 جنية هل سعره غالي ؟
    HP Proliant DL380 G5 Servers 2x 2.33GHz Quad Core E5410 cach 8 16GB ddr2 4x73GB P400 2PS

Leave a Reply

لن يتم نشر عنوان بريدك الإلكتروني. الحقول الإلزامية مشار إليها بـ *