Connect with us

VMworld

VMware VMworld 2013 Partner Day – Zero Day

Published

on

VMworld Day Zero

 

وصلت بحمد الله الى برشلونة على متن مصر الطيران فى رحلة طويلة ومملة

لكن بمجرد الوصول الى مطار برشلونة ارتحت من الرحلة بعض الشئ لان المطار هناك مريح جدا وهادئ مع ان علىه ضغط كبير لكنة واسع ومنظم وفية كل الخدمات ولا تسمع صوت احد ولا حتى فية حد بيعلن عن رحلات طيران ولا غيرة

لفت نظرى حاجتين اولا شركة Veeam  عاملة اعلان كبير فى المطار عن الموتمر وكمان شركة Trend Micro  بتوزع ورق

وكمان VMware VMworld  موقفة بنات كتير داخل المطار لاستقبال الناس اللى هتحضر الموتمر وتوجهم الى الاتوبيس اللى بيوصل للموتمر مباشرتا  كل ربع ساعة فية اتوبيس

انا مكنتش مخطط انى اروح على الموتمر علطول لان كان معايا شنطة كبيرة قولت هروح الفندق الاول لكن شجعنى وجود الاتوبيس وكمان فية ناس كتير جدا من جنسيات كتير اغلبها اوربية ركبوة ومعاهم شنطهم

والحمد لله شركة VMware  عاملة حسابها لكل شئ وعاملة مكان لحفظ الشنط بارقام وبتنظيم عالى

وصلت الموتمر وهو فى مركز للموتمرات ضخم فى برشلونة ومساحته كبيرة جدا

اول ما دخلنا روحنا عمل Register   اعطونى كارت كبير اعلقة وشنطة فيها بعض الاوراق وتى شيرت وجنبهم اعطونى تى شيرت اخر تبع ال VMUG  لحضور الاحتفال الذى سوف يقام  يوم الخميس

وبما ان اليوم دة لا يعتبر جزء من الموتمر انما هو يوم مخصص للبارتنر فقط فكانت المواضيع قليلة واغلبها موجهة لفئة معينة لن تهم الكتير

انا حضرت احدى هذة اللقاءات اليوم لكن لم تعجبنى لانها لا تعطى جديد وانما هو كلام نظرى على المبيعات ونمو المبيعات وغيرها

لذلك تركت القاعة وصعدت لمقابلة شخصية مهمة جدا فى شركة VMware  كان بينا ميعاد لكن انا تاخرت علية

هيكون لنا لقاء قوى مع هذا الشخص وسوف يكون مفاجاة للجميع لن اذكر اسمة الان

المهم كان الوقت اصبح الساعة 5 ونصف لكن كان الجو لسة كانة الظهر لان المغرب عندهم الساعة 7 وربع وانا كنت صايم منهم لله

قولت اشوف اية القاعات الاخرى لان الخريطة بتاعتهم تتوه

طلعت الدور الثانى وجدت ال Solution Exchange  دية قاعة فيها كل الشركات اللى بتعرض حلول ليها مع VMware  زى EMC , IBM , DELL , HP وغيرها

يعنى اكتر من 60 شركة متخصصين فى المجال دة سوفت وير وهاردوير

لكن لم دخلت القاعة كانت لسة مش شغاله وكلة بيحضر لبكرة وكلها ناس لسة بتشطب المنصات

فى جوارهم مكان جميل جدا وشيك للجلوس والنقاش مع اى حد اسمة VMware Huge  هبقى اصورة ليكم

وجنبة فية ال Book Store  وفية كل الكتب المتعلقة ب ال VMware  وحتى حاجات لمايكروسوفت وكمان بيعرضوا اكسسوارات عليها اسم VMware  اقلام وكوبايات وتى شيرات وشنط وغيرها كتير بيسترزقوا من الاخر عاملين حتى ملابس للرضع عليها لوجو الشركة

وجنبهم مركز الامتحانات للى عاوز يمتحن شهادات زى ال VCP , VCAP  الجميل هناك ان عليها خصم 75  فى المائة من سعر الامتحان

هنا حسيت بتعب وكنت صايم فقلت الحق اروح الفندق قبل المغرب علشان افطر

اخذت الاتوبيس الخاصة بهم من امام مركز الموتمرات الى اقرب محطة قطار  – ودية خدمة مجانية للموتمر فية اتوبيس كل 5 دقائق بين المحطة والموتمر مجانا

ومن محطة القطار دية ركبت قطار L8  حتى محطة  LeSpinal  ومنها ركبت مترو الخط الاخضر الثالت الى محطة LICU  اللى بتقع فى شارع ال Le Rambila   وهو اهم شارع فى برشلونة عامل زى شوارع وسط البلد فى القاهرة

طبعا انا بقولكم بعض الاشياء بعيدة عن الموتمر او التكنولوجيا وبحكى لكم عن المواصلات وغيرها

دة لانى عاوزكم  تخدوا فكرة عن البلد وعن المكان لان البلد صراحه جميلة وسياحية من الدرجة الاولى

من بكرة ان اشاء الله الثلاثاء هنبدا اول يوم فعلى من الموتمر وننقل لكم الاحداث وكمان الصور الخاصة بينا

Continue Reading
12 تعليق

12 Comments

  1. Mohamed Alaa

    15 أكتوبر، 2013 at 11:00 ص

    ما شاء الله ربنا يوفقك يا باشمهندس

  2. Islam

    15 أكتوبر، 2013 at 1:01 م

    حمد لله على سلامتك يا باشمهندس

    • Khaled

      22 أكتوبر، 2013 at 9:43 ص

      الله يسلمك

  3. Salah

    15 أكتوبر، 2013 at 6:54 م

    Great Khaled

  4. Ayman

    16 أكتوبر، 2013 at 2:22 ص

    ما شاء الله, بجد الواحد فخور بالعرب عندما يتواجدون في جميع المحافل العالميه
    الوصف رائع اذا كان عن البلد او عن التكنولوجي
    منتظرين الجديد
    بالتوفيق لك وللجميع

    • Khaled

      22 أكتوبر، 2013 at 9:42 ص

      متشكر اخى ايمن
      احنا تلاميذك

  5. amer

    18 أكتوبر، 2013 at 12:36 ص

    الحمد لله على السلامة .اتمنى لك اقامة طيبة وربنا يكرمك ويزيدك من عطائه وعلمه . الحقيقة تستاهل كل خير وربنا يجعلها في ميزان حسناتك

    • Khaled

      22 أكتوبر، 2013 at 9:42 ص

      متشكر اخى

  6. Baqir

    20 أكتوبر، 2013 at 1:02 م

    الحمدلله على سلامتك ياباش مهندس …..

    • Khaled

      22 أكتوبر، 2013 at 9:41 ص

      الله يسلمك

  7. Rafig

    25 يناير، 2014 at 3:07 ص

    السلام عليكم
    شكرا علي المعلومات القيمه والي مجهودكم
    انا جديد علي هذه التقنيه وهذا العالم وانا ناوي ابدا فيها وبقوه لاني حاسس ان حتكون المستقبل لهذة التقنيه وانوي التميز فيها لدرجت الاحتراف وخاصه ان هذه التقنيه مزالت وليده في بلدي وليست منتشره
    وشكرا لكم علي كل المجهودات والمعلومات القيمه والمزيد من التوفيق ان شاء الله
    لدي استفسار بخصوص المؤتمر
    هل المؤتمر يقام سنويا وبشكل منتضم يعني في نفس الوقت ونفس المكان في كل سنه
    وهل يمكنني الحضور بصفه شخصيه
    ولكم مني جزيل الشكر

    • Khaled

      6 فبراير، 2014 at 8:52 م

      يمكن للجميع الحضور
      لكنة غير مجانى يجب ان تدفع رسوم لحضورة
      ولا يشترط فيك اى شئ اخر

Leave a Reply

لن يتم نشر عنوان بريدك الإلكتروني. الحقول الإلزامية مشار إليها بـ *