VMware VMworld 2015 Barcelona – Day 0
يوم الاثنين الموافق 12 اكتوبر 2015 – برشلونة اسبانيا
كالمعتاد من شركة VMware اقامة موتمرها فى نفس هذا التوقيت والمكان كل عام منذ عدة سنوات وبنفس الترتيبات تقريبا لم يختلف بالنسبة لى منذ عامين
اليوم 0 كما احب ان اسمية هو يوم اغلبة مخصص لل VMware Partner and TAM والشركة مخصصة لهم هذا اليوم لعمل sessions لهم ومقابلات وغيرها كتير
مع ذلك هناك General session اللى هى عبارة عن محاضرات عامة ممكن اى شخص يحضرها وHand On Lab وفية مركز الامتحانات يعمل هذا اليوم
اليوم بدءاتة متاخر بعض الشئ بعد رحلة طيران طويلة 9 ساعات فوصلت على الظهر مباشرتا من المطار على الموتمر – كل شئ الموتمر مرتبة فية اتوبيسات من المطار ومكان فى الموتمر تترك فية شنطك
البداية انك تقوم بالتسجيل لتحصل على ال ID اللى هتفضل معلقة طول الموتمر فى كل مكان .
عملت جولة سريعة فى المكان هو لم يتغير شئ ونفس الاماكن بنفس التقسيم كما هو من سنتين هو مكان الموتمرات ضخم جدا وقاعات ضخمة جدا ومحتاج دليل
كلمت صديقى Ashraf eldabass حاليا يعمل فى EMC وهو vExpert اعرفة منذ سنوات لكن لم نلتقى
وقمنا بجولة فى ال VMware Partner Exchange وبعدها حضرنا Session
لم يكن هناك شئ جديد جدير بالاهتمام فى هذا اليوم لذلك اخر اليوم توجهت للفندق لان كان يوجد عندى فى جدولى حفلتين فى نفس الوقت تقريبا
الاولى : VMware vExpert Party
كالعادة يتم عمل حفلة لل vExpert and vCDX فى احد المطاعم الكبيرة فى المدينة – كان الميعاد من 7 الى 10 مساءا فى مطعم فى وسط المدينة بجوار ميدان كاتالونيا وهو مثل ميدان التحرير فى مصر
ولان الفندق المقيم فية بجوار الميدان فانتظرت مهندس اشرف الدباس وروحنا مشى الى مكان الحفلة
ملحوظة: كل الحفلات التى حضرتها فى كل الاماكن ومع كل الشركات فى الخارج هى عبارة عن اكل وشرب وبعض الاحاديت الجانبية لو اتعرفت على حد هناك ولقاءات مع ناس يعملون فى الشركات او شخصيات معروفة فى تخصصنا
هناك عشرات الاطباق والاصناف وطبعا موضوع الشرب الخمور وغيرها دة شئ اساسى عندهم ولانة ببلاش بيشربوا بكميات رهيبة
طبعا انا بروح لهم واقولهم عاوز soft drink طبعا بتستغرب وتدينى كوكاكولا او بيبسى – بالنسبة لهم بيستغربوا
المهم بدءت الحفلة الساعة 7 مساءا بعدد قليل لان الدعوات كانت محددة قابلت بعض الناس اول مرة وقابلت منظم الحفل والمسئول عن ال vExpert Program صديقى Cory Romero
وهو شخص لطيف وجدع جدا وعارفنى بالاهرامات اللى اعطيتها لها السنة الماضية فى امريكا ووضعها على مكتبة فى Vmware – ميعرفى انها كانت ب 15 جنية
تكلمنا مع بعض شوية عن الاعداد الكبيرة اللى انضمت لل vExpert ووضح ازاى هو بيختار الناس اللى بتحصل عليها – داخل فيها حسابات المكان اللى انت منه واللغة
بعد لقاءنا قومنا بجولة فى الحفلة لكن لم اجد الاشخاص اللى تعودت على وجودهم دائما واغلب الموجودين وجوة جديدة ولم اجد اى شخص VCDX مثل اللى قابلتهم فى الحفلات السابقة
حفلة العام الماضى فى سان فرانسيسكو كانت رائعة حضرها كل الكبار واهم شخصيات فى المجال – حتى هذا العام منذ شهر فى الى VMworld 2015 فى سان فرانسيسكو حضر هذة الحفلة VMware CEO نفسة
لذلك تركت الحفلة بعد ساعة تقريبا وتوجهت الى الحفلة التانية
الثانية : VMUG Party
حفلة ال VMUG طبعا اوعى حد يسال يعنى اية VMUG – هى بدعاوى مفتوحة لكل اعضاء ال VMUG فى العالم – كانت مقامة فى مطعم على شاطئ برشلونة فى مكان جميل والمطعم رائع وهو لا يعتبر مطعم انما ديسكو كبير بعدة ادوار لكنة كان مخصص اليوم لهذة الحفلة فقط
ذهبنا اليها والبركة فى عمنا جوجل عن طريق المترو والمكان جميل والتنظيم جميل والاعداد ليست كبيرة مع انها مفتوحة
طبعا كالسابق كلة اكل وشرب حتى الثمالة – تحس انك هتتحول لابو جهل – طبعا مش هنذكر هنا السيدات فى الموضوع لان الموقع متراقب
طبعا الحمد لله انا كنت بتفرج بس على الاكل وانواعة فقط حتى لو اسماك او خضروات تحس انها ممكن يكونوا خاطين عليها خمور
اشرف كان معايا وما شاء الله نفسة مفتوحة – اكل لوحدة خنزيرين بعيالهم –
استمتعنا بالمكان والجو وتركناه وفية حفل غداء هيكون خاص بال VMUG Leader فقط فى الموتمر يوم الاربعاء وان شاء الله احضرة واخبركم بة
انطباعى عن اليوم الاول والموتمر :
التنظيم جيد كالعادة هو افضل فى التنظيم والمكان والخدمات والطعام وكل شئ عن ال اللى بينعقد فى امريكا مع ان بتاع امريكا اضخم بكتير وفية شركات اكتر ومكان اكبر وفعاليات اكتر – لكن برشلونة هى محترفين التنظيم وخبرة كبيرة فى الموتمرات
قابلت بعض العرب والمصريين فى الموتمر وهو شئ ايجابى ويسعد الواحد ان فية ناس بدءات تحضر هذة الموتمرات
هذا ما اتذكرة عن ما حدث خلال اليوم الاول للموتمر اللى بمسية اليوم صفر لعدم الخلط
انتظروا بقية السلسلة لتغطية الاحدات والايام القادمة مليئة بالاحدات والفعاليات القوية
ملحوظة: هناك صور لكن هرفعها بعد الرجوع من الموتمر
وبالتوقيق للجميع
